راولپنڈی۔ 28 دسمبر (اے پی پی ) پاک فوج دے شعبہ تعلقات عامہ(آئی ایس پی آر) دے ڈائریکٹر جنرل ‘میجر جنرل آصف غفور آکھیا جو کلبھوشن دے ٹبر نال ملاقات سانگے کوئی دباﺅ کائنا ہئی ایں ملاقات دی موکل انسانی ہمدردی تے ڈتی گئی،کلبھوشن دی رحم دی اپیل آرمی چیف ڈے اے،ملاقات دا اپیل دے فیصلے تے کوئی اثر کائنا پمسی،پاکستان حقانی نیٹ ورک سمیت سارے گروپاں دے خلاف بلاتفریق کاروائی کیتی اے،امریکا اتے افغان حکام اساڈے تعاون بارے جانڑدن اتے حقانی نیٹ ورک دے خلاف کاروائی نہ کرنڑ دا مریکی موقف کارآمد کائنی۔افواج پاکستان دوستاں نال رل تے کم کریندی پئی اے اتے کرنڑ چاہندی اے جڈانجو عزت تے سمجھوتہ نی کرسگدے،اساں کہیں قسم دا تصادم نی چاہندے،اساں دوستاں نال تنازع نی چاہندے،پاکستان دا تحفظ یقینی بنڑیسوں۔ایں سال ست وڈے دہشت گرداں دے نیٹ ورک توڑےے گئن اتے خودکش حملہ آوراں کوں پکڑیا گئے جنہاں اچ زیادہ تر افغان خودکش حملہ آور شامل ہن ۔مجموعی طور483دہشت گردی دے منصوبے ناکام بنڑائن۔او خمیس کوں آئی ایس پی آر اچ ملک دی اجوکی سلامتی دی صورتحال ‘آپریشن ردالفساد تے مشرقی و مغربی سرحد تے سکیورٹی دی صورتحال بارے ذرائع ابلاغ کوں بریفنگ ڈیندے پئے ہن ۔ ڈی جی آئی ایس پی آر میجر جنرل آصف غفور حال اچ ای امریکا ولوں ڈتی گئی دھمکی تے ردعمل ڈیندیں ہوئیں آکھیا جو اساں کیجھے اتحادی ہیسے جو اساں کوں نوٹس ڈتے ویندے پئن ۔
