راولپنڈی ۔ 18 جنوری (اے پی پی) سیالکوٹ سیکٹر دی وستی کندن پور چھپرار اچ گذریل رات بھارتی فورسز ولوں سیز فائر دی خلاف ورزی کریندے ہوئیں بلااشتعال فائرنگ کیتی گی جیں پاروں ڈو تریمتیں شہید اتے ترائے تریمتیں سمیت پنج شہری زخمی تھی گن۔ پاک فوج دے شعبہ تعلقات عامہ (آئی ایس پی آر)ولوں خمیس کوں جاری بیان د ے مطابق بھارت دی وستی کندن پور چھپرار اچ ورکنگ باﺅنڈری تے سیز فائر دیاں خلاف ورزیاں اتے شہری آبادی کوں نشانہ بنڑاونڑ دیاں کاروائیاں جاری ہن ۔ پاکستان رینجرز (پنجاب) منہ بھن جواب ڈیندے ہوئیں بھارتی بارڈر سکیورٹی فورس دیاں چوکیاں کوں غیر موثر کر ڈتا ۔
