لاہور۔31جنوری(اے پی پی )نیوزی لینڈ توں پنج ون ڈے میچاں دی سیریز ہرنڑ اتے ترائے ٹی ٹوئنٹی میچ جیتنڑ آلی ٹیم دے 8 کھیڈاڑی اتے 4 آفیشلز لاہورپج گئن۔ولنڑ آلے کھیڈاڑیاں اچ محمد حفیظ، محمد عامر، بابر اعظم، حسن علی، احمد شہزاد، فہیم اشرف، حارث سہیل اتے عامر یامین شامل ہن۔حسن علی زخمی ہوونڑ پاروں وھیل چیئر تے آئن۔ایں توں پہلے فاسٹ باﺅلر رومان رئیس گذریل ڈینہہ کراچی پجے ہن۔قومی کرکٹ ٹیم نیوزی لینڈ توں ون دے سیریز پنج صفر توں ہر گئی ہئی بھل ٹی ٹوئنٹی سیریز ڈو ہک توں جیت تے قومی کرکٹ ٹیم نا صرف سیریزجیتی بھل ٹی ٹوئنٹی دی عالمی رینکنگ اچ وی نیوزی لینڈ کوں لتاڑ تے پہلی پوزیشن تے قبضہ جمائے۔
