دہشت گردی دے خلاف جنگ اچ ساتھ ڈیونڑ دے جواب اچ امریکی صدر دا بیان افسوس ناک ہے، ڈاکٹرمصدق ملک

اسلام آباد ۔ 3 جنوری (اے پی پی) وزیر اعظم دے معاون خصوصی اتے مسلم لیگ (ن ) دے رہنما ڈاکٹرمصدق ملک آکھیا ہے جو پاکستان جیں طرح دہشت گردی دے خلاف جنگ اچ بین الاقوامی طاقتاں دا ساتھ ڈیونڑ دے جواب اچ امریکی صدر ڈونلڈ ٹرمپ دا بیان افسوس ناک ہے ،اساں خطے دے اندر امن چاہندوں تے ایجھا امن چاہندوں جیرھا افغانستان دی عوام دی خواہشات نال مطابقت رکھیندا ہووے ۔میڈیا نال گالھ مہاڑ کریندے ہوئیں انہاں آکھیا جو دہشت گردی دے خلاف پاکستان دی شمولیت اپنڑے ملک اچ امن تے بالاں دی بہتری سانگے ہے کہیں ملک سانگے کائنی اساکوں کہیں ملک دی مدد نی چاہیدی ۔