اسلام آباد۔ 19 جنوری (اے پی پی) سپیکر قومی اسمبلی سردار ایاز صادق انسانی حقوق دے قومی کمیشن توں گزریل ہک سال دے دوران ملک اچ انسانی حقوق دیاں خلاف ورزیاں دے حوالے نال رپورٹ منگ گھدی اے ۔جمعے کوں قومی اسمبلی اچ سوالاں دے وقفے دے دوران عبدالقہار ودان دے سوال دے جواب اچ پارلیمانی سیکرٹری راجہ جاوید اخلاص ڈسیا جو حکومت ملک اچ انسانی حقوق دیاں خلاف ورزیاں روکنڑ کیتے اقدامات کریندی پئی اے ۔ انسانی حقوق دا علاقائی دفتر کوئٹہ جون 2013توں دسمبر 2017تئیںمیڈیا مانیٹرنگ دے ذریعے 3297 معاملات تے کارروائی کیتی ہے۔ 41 آگاہی سیمینار تے ورکشاپس کرایاں گن ۔انہاں آکھیا جو انسانی حقوق دے لائحہ عمل تے عملددر آمد دی نگرانی کیتے قومی ٹاسک فورس بنڑا دتی گی اے ۔ ایس اے اقبال قادری دے سوال دے جواب اچ انہاں ڈسایا جو کمیشن دے لوک قصور گن تے زینب دے نال پیش آونڑ آلے واقعے بارے بیانات گھدے گن ۔سپیکر آکھیا جو ایں بارے کمیشن توں رپورٹ گھن تے ایوان اچ پیش کیتی ونجے ۔سپیکر آکھیا جوانسانی حقوق دے قومی کمیشن دے قیام توں ہنڑ تئیں دی رپورٹ ایوان اچ پیش کیتی ونجے ۔
