اسلام آباد ۔ 19 جنوری (اے پی پی) وزیر مملکت پارلیمانی امور محسن شاہ نواز رانجھا آکھیا جو شیخ رشیدجیرھی پلیٹ اچ کھاندے ہن ہوں اچ ٹنگ کریندن ،عمران خان رکن پارلیمنٹ دی حیثیت نال ساڈھے چار سال توں تنخواہ گھندے پن ۔جمعے کوں پارلیمنٹ ہاﺅس دے باہروں میڈیا نال گال بات کریندے ہوئیں وزیر مملکت آکھیا جو عمران خان ساڈھے چار سال دے دوران پارلیمنٹ توں جیرھیاں تنخواہیں گھدیاں ہن او واپس کرن ۔ہک سوال دے جواب اچ انہاں آکھیا جو شیخ رشید پارلیمنٹ بارے غیر جمہوری رویہ اختیار کیتے ۔عوام انہاں کوں معاف کائناں کریسی ۔ انہاں آکھیا جو جیرھے لوکاں پارلیمنٹ بارے اچ غلط الفاظ استعمال کیتن 2018دے عام انتخابات اچ عوام انہاں کوں مسترد کرڈیسن۔
