اسلام آباد ۔ 12 جنوری (اے پی پی) قومی اسمبلی دا رواں سیشن 25 جنوری تئیں جاری رہسی ۔ ایں دا فیصلہ سپیکر قومی اسمبلی سردار ایاز صادق دی زیر صدارت ہاﺅس بزنس ایڈوائزری کمیٹی دے تھیونڑ آلے اجلاس اچ کیتا گیا ۔ اجلاس جمعے کوں سپیکر آفس اچ تھیا۔ اجلاس دے دوران قومی اسمبلی دے 51 ویں اجلاس متعلق قواعد و ضوابط طے کرنڑ کیتے کمیٹی دے ممبراں توں صلاح کیتے کمیٹی دے ممبراںتوں صلاح گھدی گی جیں دے بعد فیصلہ کیتا گیا جو قومی اسمبلی دا اجوکا اجلاس 25جنوری تئیںجاری رہسی ۔قومی اسمبلی دے موجودہ اجلاس اچ وقفہ سوالات سمیت بے قانون سازی متعلق اہم امور زیر بحث لاتے ویسن۔ اجلاس اچ رانا تنویر حسین‘ شیخ آفتاب احمد‘ ڈاکٹر طارق فضل چوہدری‘ زاہد حامد‘ چوہدری محمد اشرف‘ سید نوید قمر‘ میر اعجاز حسین جاکھرانی‘ ڈاکٹر شیریں مزاری‘ اقبال محمد علی‘ شیخ صلاح الدین اتے صاحبزادہ طارق اللہ شرکت کیتی۔
