پشاور۔ 13 جنوری (اے پی پی) وزیر اعظم شاہد خاقان عباسی آکھیا جو نینگراں دے روزگار دا مسئلہ آئی ٹی دے شعبہ اچ انقلاب نال حل تھیسی،انقلابی گالھیں یا دعویاں نال صرف کم نال انقلاب امدے،ماضی اچ منصوبیاں دے اعلان اتے منڈھ بدھیے ویندے ہن جڈانجو منصوبے پورے کائنا تھیند ے ہن ،اساڈی حکومت جیڑھے منصوبے شروع کیتن او پورے کیتن،اجوکی حکومت ہزاراں کلومیٹر موٹرویز اتے 10ہزار میگاواٹ بجلی پیدا کیتی جڈانجو نیشنل انکیوبیشن سنٹر دے قیام دا منصوبہ بہوں اہم اے،نینگراں کوں روزگار ملسی تاں انتہا پسندی مُکسی۔او ہفتہ کوں اتھاں پشاور اچ نیشنل انکیوبیشن سنٹر دے افتتاح دے موقع تے خطاب کریندے پئے ہن ۔ایں موقع تے گورنر کے پی کے اقبال ظفر جھگڑا، وزیرآئی ٹی انوشہ رحمان خان، وزیر مملکت اطلاعات تے نشریات مریم اورنگ زیب، انجنیئر امیر مقام اتے بئے اعلیٰ حکام وی موجود ہن ۔وزیراعظم آکھیا جو پبلک پرائیویٹ سانجھے داری اچ قائم ادارے دا افتتاح ایں علاقہ اتے آئی ٹی سانگے سنگ میل ثابت تھیسی۔اے انکیوبیشن سنٹر پائلٹ پراجیکٹ اے۔
