اسلام آباد۔ 16 جنوری (اے پی پی) وزیر خارجہ خواجہ محمد آصف آکھیا جو سارے مسالک دے علماءکرام ،جامعات اتے سکالرز دہشت گردی دے ناسور کوں مکاونڑ سانگے متفقہ قومی بیانیہ “پیغام پاکستان” تے کٹھ کر تے ثابت کر ڈتے جو ایں معاملے تے ملک دی سول تے عسکری پوری قوم کٹھی اے ،قومی بیانےے اچ دہشت گردی دے خلاف قومی اداریاں اچ ہم آہنگی دی بنیاد تے پوری دنیا تے واضح کریندے پئیوں جو پوری قوم ہر طرح دی دہشت گردی کوں مسترد کر ڈتے ۔ایجھے بندیاں دی معاشرے اچ قطعی کوئی گنجائش کائنی جیڑھے جو ذاتی فائدے سانگے بیمار ذہنیت نال دہشت گردی دے زبانی یا عملی حمایت کرن۔تقریب دی صدارت صدر مملکت ممنون حسین کیتی جڈانجو تقریب دے اعزازی مزمان خصوصی وزیر خارجہ خواجہ محمد آصف اتے مہمان خصوصی وزیر داخلہ پروفیسر احسن اقبال ہن۔
