اسلام آباد ۔ 23 جنوری (اے پی پی)اجوکے مالی سال 2017-18 دے پہلے ترائے مہینے دے دوران ٹیکسٹائل دی قومی برآمدات اچ 7.9 فیصد دا ودھارا تھے جڈاں جو گزریل مالی سال دے ایں عرصے دے دوران ٹیکسٹائل دی ملکی برآمدات اچ 6.3 فیصد دی گھٹکی تھی اے ۔ ادارہ برائے شماریات پاکستان (پی بی ایس) دی رپورٹ دے مطابق جاری مالی سال دے دوران ویلیو ایڈڈ مصنوعات دی برآمدات اچ 40 فیصد دا ودھارا ریکارڈ کیتا گے جیں نال مجموعی قومی بر آمدات دے ودھارے اچ مدد ملی اے ۔ پی بی ایس دے مطابق اجوکے مالی سال دے دوران تیار ملبوسات اتے نٹ ویئرز دی برآمدات اچ بالترتیب 16 فیصد اتے 9.5 فیصد دا ودھارا تھے ۔
