اسلام آباد ۔ 19 جنوری (اے پی پی)سیکرٹری خارجہ تہمینہ جنجوعہ آکھیے جو افغانستان خطے دا اہم ملک اے،قیام امن کیتے اساں افغانستان دا پورا ہتھ ونڈاونڑ کیتے تیار ہیں۔دفتر خارجہ اچ تقریب نال خطاب اچ سیکرٹری خارجہ آکھیے جو پاکستان افغانستان اچ امن و استحکام ،خوشحالی اتے روشن مسقبل چاہندے،ایں سانگے اساں افغان حکومت دا ہتھ ونڈاونڑ کیتے تیارہیں۔پاکستان افغانستان نال رَل تے امن کیتے اپنڑیاں کوششاں جاری رکھسی۔افغان بال کوں حفاظت نال حوالے کرنڑ تے سیکرٹری خارجہ آکھیے جو افغان بال دے چنگی حفاظت، ڈیکھ بال اتے صحت و تعلیم ڈو نیڑے دے ملکاں وچال چنگے تعلقات دا ثبوت اے۔
