اسلام آباد ۔ 15 جنوری (اے پی پی) آسٹریلیا اچ پاکستان دی ہائی کمشنر نائلہ چوہان آکھیے جو آسٹریلیا تے پاکستان وچال رابطے اچ ودھارا تھے تے ڈوہیں ملکاں سانجھی دلچسپی دے مختلف شعبیں اچ تعلقات تے تعاون کوں ودھارا ڈیندے پن ،سنوار کوں اتھاں اے پی پی نال خصوصی گال بات کریندے ہوئیں نائلہ چوہان تے پاکستان اچ آسٹریلیا دی ہائی کمشنرمس مارگریٹ ایڈم سن ڈسایا جو سانجھی ترقی توں فائدہ چاونڑ کیتے ڈوہیں ملکاں وچال باقاعدگی نال رابطے جاری ہن ۔ڈو پاسے تعاون دا ڈسیندے ہوئیں پاکستانی ہائی کمشنر آکھیا جو زراعت،دفاع،تعلیم اتے صحت ایجھے بنیادی شعبے ہن جیں اچ پاکستان آسٹریلیا دے نال رابطے کوں ودھارا ڈیونڑ چاہندے ۔پاکستان اچ زراعت دے شعبے اچ آسٹریلوی تعاون دا ذکر کریندے ہوئیں انہاںآکھیا جو آسٹریلوی مرکز بین الاقوامی زرعی تحقیق(اے سی آئی اے آر) دے پراجیکٹ مائیکروکریڈٹ ایمپاورمنٹ آف ویمن نال پاکستان اچ کامیابی توں فائدہ چاتا گیا ۔اے سی آئی اے آر دے چیف ایگزیکٹوآفیسرانڈریوکیمبل زرعی منصوبیاں اچ تعاون دا جائزہ گھننڑ سانگے پاکستان دے دورے اچ دلچسپی رکھیندے ہن ۔آسٹریلوی ہائی کمشنرمس مارگریٹ ایڈم سن ایں موقع تے ڈسایا جو ۔اے سی آئی اے آر تحقیق اتے تربیت تے توجہ ڈیندا پے تے پاکستان دے زرعی شعبے دے استعداداچ بہتری کیتے آسٹریلیا دے ٹرینرز پاکستان آسن ۔انہاں آکھیا جو اے برابری دے موقع تے مبنی سکیم ہے جیں نال 50 فیصد وظائف تریمتاں کوں ڈتے ویسن ۔اے سی آئی اے آرپاکستان اچ تحقیق تے تعاون کوں ترجیح ڈیندا پے۔آسٹریلوی ہائی کمشنرآکھیا جو گزریل 10سالاں اچ انہاں دا ملک امب دی فصل دے شعبے اچ پاکستان دی مدد کریندا پے تے بہوں وختی جاپان تے یورپی ملکاں کوں پاکستان امب دی بر آمدات شروع تھی ویسی ۔
