اسلام آباد ۔ 18 جنوری (اے پی پی) وفاقی وزیر بین الصوبائی رابطہ ریاض حسین پیرزادہ قومی اسمبلی کوں ڈسائے جو پاکستان سپورٹس بورڈ دے 32 ملازماں کوں پی ایس ایل ون دے دوران بونس ڈتا گیا‘ بورڈز دا آڈٹ دا اپنڑاں نظام اے ،پاکستان کرکٹ بورڈ سرکاری خزانے توں کوئی رقم نی گھندا ۔خمیس کوں قومی اسمبلی اچ سوالاں دے وقفے دے دوران اقبال محمد علی خان دے سوال دے جواب اچ وفاقی وزیر بین الصوبائی رابطہ ریاض حسین پیرزادہ ڈسایا جو پاکستان سپر لیگ ون تے باہرلے ملک ہوٹل اچ قیام ، تنخواہ‘ بونس تے بئے ٹیسٹ دی مد اچ 7 کروڑ 27 لکھ 20 ہزار روپے خرچ تھن ۔ انہاں ڈسایا جو اپنڑے وسائل دے اندر رہندے ہوئیں اپنڑے ہی عملے توں کم گھدا اے ۔بورڈ دے اپنڑے رولز ہن ۔انہاں ڈسایا جو بورڈ دے آڈٹ دا اپنڑاں نظام اے ۔آڈٹ دا محکمہ وی انہاں دا آڈٹ کریندے ۔اے پورے خود مختار ادارے ہن ۔
