اسلام آباد ۔ 13 فروری (اے پی پی) قومی اسمبلی اچ ملک اچ پٹرولیم مصنوعات دیاں قیمتاں اچ گھٹکی دے حوالے نال اقدامات کرنڑ دی قرارداد دی منظوری ڈے ڈتی اے ۔ منگل کوں قومی اسمبلی اچ جماعت اسلامی دے رکن صاحبزادہ محمد یعقوب خان قرارداد پیش کیتی جو ایں ایوان دی صلاح اے جو حکومت ملک اچ پٹرولیم مصنوعات دیاں قیمتاں اچ گھٹکی سانگے اقدامات کرے ۔ قرارداد دے حق اچ انہاں ملک اچ پٹرولیم مصنوعات دیاں قیمتاں اچ گھٹکی وقت دی اہم ضرورت ہے کیوں جو پٹرولیم مصنوعات دیاں قیمتاں اچ ودھارے نال ملک اچ مہانگ ودھدی اے ، حکومت کوں چاہیدے جو عوام تے گھٹ توں گھٹ بوجھ پاوے ۔ قومی اسمبلی اے قرارداد منظور کرگھدی۔
