اسلام آباد ۔ 6 فروری (اے پی پی) وزیرنیشنل ہیلتھ سروسز، ریگولیشن اینڈ کوآرڈینیشن سائرہ افضل تارڑ آکھیے جو گذریل ساڈھے چار سال دے دوران صحت دے شعبے اچ بے مثال اصلاحات اتے اقدامات متعارف کرائے گے ہن۔انہاں اپنڑے ہک بیان اچ آکھیا جو حفاظتی ٹیکیں سانگے عالمی اتحاد نال حفاظتی ٹیکے تے ویکسین دے پروگرام کوں بہتر بنڑاونڑ سانگے جامع اصلاحات دا آغاز کرنڑ تے پاکستان کوں ہک ماڈل دے طور تے پیش کیتا ہے ۔انہاں آکھیا عالمی فنڈ تے جی اے وی آئی نال پاکستان سانگے تعاون عالمی اقتصادی فورم دی بدولت حاصل تھیا ہے۔سائرہ افضل تارڑ آکھیے جو وزیراعظم دے قومی صحت پروگرام دے تحت پاکستان دے 31 لکھ خانداناں کوں صحت دیاں معیاری سہولتاں ڈتیاں گیاں ہن ہنڑ ملک خط غربت توں تلے زندگی گزارنڑ آلی پوری آبادی کوں اے سہولتاں ڈیونڑ تے عمل کریندا پے ۔انہاں آکھیا آزاد نگراں بورڈ اتے فنی مشاورتی گروپ جیہوجے وڈے نگران اداریں پولیو دے خاتمے سانگے پاکستان دیاں کوششاں دی تعریف کیتی ہے ۔وزیر صحت آکھیا جو وفاقی حکومت وسائل پیدا کرنڑ، شعبہ صحت کوں منظم بنڑاونڑ تے صوبیں دے نال رابطے سانگے وڈے اقدامات کیتے ہن جیں دا مقصد سانجھے اہداف دا حصول اتے معیاری خدمات دی فراہمی ہے۔انہاں آکھیا جو پاکستان عالمی فنڈ دے نویں فنڈنگ ماڈل دے تحت پاکستان دے 48 متاثرہ ضلعیں اچ ملیریا دی ویکسین سانگے 5 کروڑ 20لکھ ڈالر حاصل کیتے ہن۔
