اسلام آباد ۔ 14 فروری (اے پی پی) وفاقی وزیر انسانی حقوق ممتاز احمد تارڑ قومی اسمبلی کوں ڈسایا جو 2013توں ہنڑ تئیں ملک اچ زیادتی دے17862کیس تھن جیں اچوں پولیس کنے 13 ہزار 267 کیس رجسٹرڈ تھن ، جیں اچوں 25 مقدمیں اچ سزائے موت ڈتی گی، 11 کو ںعمر قید، ڈ وکو ں50 سال قید، ہک کوں 39 سال قید، ہک کوں 35 سال قید،ہک کوں 33 سال سزا تھی، کل 112 مجرماں کوں سزا تھی۔ بدھ کوں قومی اسمبلی اچ سوالاں دے وقفے دے دوران شاہدہ رحمانی دے سوال دے جواب اچ وزیر انسانی حقوق ممتاز تارڑڈسایا جو اٹھارویں ترمیم دے بعد نابالغان اتے بالاں دا موضوع صوبیں کوں منتقل کر ڈتا گیا۔ وزارت انسانی حقوق ایں ضمن اچ قانون سازی کیتی ہے جیرھے جو بالاں نال ظالمانہ سلوک دا تدراک کریندے۔ انہاں ڈسایا جو گزریل 5سالاں اچ سارے ملک اچ چھوہریں نال زیادتی دے 10 ہزار 620 اتے چھوہر نال زیادتی دے 7 ہزار 242 واقعات تھے ہن۔ ایں دوران پولیس ڈے 13 ہزار 267 کیس رجسٹرڈ تھن ۔
