اسلام آباد ۔ 16 مارچ (اے پی پی) حکومت پاکستان ایئر مارشل مجاہد انور خان کوں پاک فضائیہ دا نوںسربراہ نامزد کرڈتے۔ 23 دسمبر 1962ءکوں جمنڑ آلے ایئر مارشل مجاہد انور خان پاکستان ایئر فورس دی جی ڈی پی برانچ اچ دسمبر 1983اچ کمیشن حاصل کیتا تے پی اے ایف اکیڈمی اصغر خان توں اعزازی شمشیر، بیسٹ پائلٹ ٹرافی تے چیئرمین جوائنٹ چیفس آف سٹاف کمیٹی گولڈ میڈل دے حقدار قرار پاتے۔ اپنڑے شاندار کیریئر دے دوران انہاں ہک فائٹر سکواڈرن، ہک ٹیکٹیکل اٹیک ونگ، F-16 دی دو ایئر بیسسز اتے ریجنل ایئر کمانڈ دی کمانڈ کیتی۔ آپ ہک کوالیفائیڈ فلائنگ انسٹرکٹر ہوونڑ دے نال نال کمبیٹ کمانڈر سکول، کمانڈ اینڈ سٹاف کالج اردن، ایئر وار کالج فیصل اتے نیشنل ڈیفنس یونیورسٹی اسلام آباد توں فارغ التحصیل ہن۔ آپ چیف آف دی ایئر سٹاف دے پرسنل سٹاف افیسر، اسسٹنٹ چیف آف دی ایئر سٹاف (آپریشنز)، ڈپٹی چیف آف دی ایئر سٹاف (آپریشنز) تے ڈائریکٹر جنرل سی فور آئی دے طور تے وی خدمات انجام ڈے چکے ہن ۔ آپ اج کل ایئر ہیڈکوارٹرز اسلام آباد اچ بطورڈپٹی چیف آف دی ایئر سٹاف (سپورٹ) اتے ڈائریکٹر جنرل ایئر فورس سٹریٹیجک کمانڈ خدمات سرانجام ڈیندے پن۔ انہاں اپنڑے کیریئر دے دوران مختلف تربیتی اتے لڑاکا طیارے اڈئے ہن جیں اچ MFI-17، T-37، F-5، F-6 اتےF-16 شامل ہن۔ انھاں کوں پاک فضائیہ اچ شاندار خدمات دے اعتراف اچ ہلال امتیاز (ملٹری)، ستارہ امتیاز (ملٹری) اتے تمغہ امتیاز (ملٹری) نال نوازا گیا۔
