گوجرانوالہ۔17 مارچ(اے پی پی )گورنر پنجاب محمد رفیق رجوانہ آکھیے جو پاکستان اللہ سئیں دی بہوں وڈی نعمت اے جیرھی سورة الرحمن دی جتی جاگدی تصویر اے ،اعلیٰ تعلیم یافتہ طالب علم تے طالبات کوں اپنڑے وطن دی خدمت کوں ہی مشن بنڑاونڑاں چاہیدے ‘ حقیقی جذبے لگن ایہا ہے جو ڈگری دے حصول دے بعد خدمت انسانی کوں مقصد دا درجہ ڈتا ونجے ۔گورنر پنجاب آکھیا جو عصر حاضر دے علوم تے جدید ٹیکنالوجی تے دسترس نال ہی معاشرے اچ انقلاب گھن تے آیا ونج سگدے تے ایندی بدولت ملک تے قوم کوں دنیا اچ نمایاں مقام تے کھڑا کیتا ونج سگدے ۔او گوجرانوالہ اچ گفٹ یونیورسٹی دے 7ویں کانووکیشن نال خطاب کریندے پے ہن ۔ چیئرمین ہائر ایجوکیشن کمیشن ( ایچ ای سی) ڈاکٹر نظام الدین تے چیئرمین گفٹ یونیوسٹی محمدانور ڈار دے علاوہ مختلف شعبیں دے ڈین‘ فیکلٹی ممبرز‘ والدین تے استاداں شرکت کیتی ۔گورنر پنجاب آکھیا جو ملک دی ترقی ،استحکام تے مستقبل ایجھے ہی قابل نینگراں دے ہتھ اچ ہے تے ایہا حقیقت تے سرمایہ اے ۔انہاں صلاحیت تے قربانیاں دی بدولت پاکستان مزید خوشحالی ،خود کفالت تے استحکام حاصل کریسی ۔ کانووکیشن اچ گورنر کامیاب ڈگری ہولڈرز کوں ڈگریاںونڈیاں تے گولڈ میڈل پوائے ، یونیورسٹی ولوں گورنر کوں سوینئر پیش کیتا گیا ۔
