اسلام آباد ۔ 19 مارچ (اے پی پی)قومی احتساب بیورو (نیب) دے چیئرمین جسٹس جاوید اقبال ڈی صدارت اچ نیب لاہور دا ہک اجلاس تھئے۔اجلاس اچ نیب دی کارکردگی اتے کرپشن دے وڈے کیسز اچ پیش رفت دے حوالے نال ڈائریکٹر جنرل نیب لاہوربریفنگ ڈتی۔ چیئرمین نیب جسٹس جاوید اقبال آکھیا جو ملک توں بدعنوانی مکاونڑ کیتے پر عزم اے،بدعنوان عناصر کوں گرفتار کرتے انہاں توں لٹیا گیا سارا مال واپس کیتا ویسی اتے قومی خزانے اچ جمع کرایا ویسی۔ انہاں ڈی جی نیب لاہور کوں ہدایت کیتی جوبدعنوانی دے مقدمیاں خاص کر میگا کرپشن کیسز کوں ٹھوس شواہد دی بنیاد تے قانون دے مطابق بغیر کہیں دیراتے دباﺅدے فوری نمٹایا ونجے۔انہان نیب لاہور دی کارکردگی دی تعریف کیتی اتے بدعنوان عناصر، اشتہاریاںاتے عدالتی مفروراں کوں پکڑن کیتے کوششاں ودھاونڑ دی ہدایت کیتی۔
