اسلام آباد ۔ 26 مارچ (اے پی پی) چیئرمین سینیٹ محمد صادق سنجرانی آکھیے جو پارلیمان ملک دا چہرہ اے تے او پاکستان تے متحدہ عرب امارات وچال دوستانہ تعلقات کوں مزید ودھارا ڈیونڑ سانگے کردارادا کریندا رہ ویسی ،ڈوہیں ملکاں وچال پارلیمانی اتے معاشی تعلقات کوں دستیاب استعداد دے مطابق ودھا تے تاریخی تعلقات کوں مزید پکا بنڑایا ویسی ۔چیئر مین سینیٹ اے گال متحدہ عرب امارات دے سفیر حماد عبید ابراہیم سالم الزابی نال سنوار کوں پارلیمنٹ ہاوس اچ ملاقات کریندے ہوئیں آکھی ۔ محمد صادق سنجرانی آکھیا جو پاکستان تے متحدہ عرب امارات دے لوک سانجھی قدر، مذہبی رشتے اتے سماجی خیالاں اچ گھنڈے ہوئے ہ ن ۔ڈوہیں ملکاں نہ صرف بین الاقوامی سطح تے ہک ڈوجھے نال تعاون کیتا بلکہ ترقی دے سانجھے ایجنڈے تے وی عمل کریندے پن ۔ انہاں آکھیا متحدہ عرب امارات اچ لکھاں پاکستانی ترقی دے عمل دا حصہ ہن جڈان جو متحدہ عرب امارات وی پاکستان کو ںمعاشی ترقی اتے سماجی بہبود دے شعبیں اچ تعاون کریندا پے ۔ انہاں متحدہ عرب امارات حکام تے زور ڈتا جو او مزید پاکستانیاں کوں روزگار دے موقع ڈیون تے خاص طور تے 2020 ایکسپو اچ انہاں دیاں خدمات توں فائدہ چاون ۔ چیئرمین سینٹ آکھیا جو ڈوہیں ملکاں وچال معاشی شعبے اچ موجود تعاون دا ودھارا کرتے فائدہ چاونڑاں چاہیدے تے ایں سلسلے اچ پارلیمانی وفداں دے تبادلے وی اہم کردار ادا کریسن ۔ چیئرمین سینٹ آکھیا او پارلیمانی تعلقات کوں مضبوط بنڑاونڑ سانگے لیے متحدہ عرب امارات دی مشاورتی کونسل دی سپیکر کوں پاکستان دے دورے دی دعوت ڈیسن۔
