اسلام آباد ۔ 12 مارچ (اے پی پی) وفاقی وزیر داخلہ منصوبہ بندی، ترقی و اصلاحات پروفیسر احسن اقبال آکھیے جو پاکستان ہک پر امن ملک اے ،ماضی دیاں حکومتاں دے مقابلے اچ موجودہ حکومت دے اقدامات دے نتیجے اچ ملک ترقی دے رستے تے ٹردا پے ،امن و امان دے قیام کوں یقینی بنڑایا گے جڈاں جو توانائی دے بحران کوں وی حل کر گھدا گے ۔تعلیمی شعبے اچ بہتری دی وجہ توں باہرلے ملک توں پاکستانی ماہرین واپس آندے پن ۔اے گال انہاں سنوار کوں بین الاقوامی سائنس کانفرنس نال خطاب کریندے ہوئیں آکھی ۔انہاں آکھیا موجود حکومت تعلیم دے شعبے اچ بہتری گھن آئی اے ۔پروفیسر احسن اقبال آکھیا ترقی تے خوشحالی سانگے سائنس و ٹیکنالوجی دا استعمال ناگزیر تھی گے جڈاں جو دنیا صنعتی انقلاب دے چوتھے مرحلے اچ داخل تھی گی اے ۔انہاں مزید آکھیا بدلدے ہوئے حالات اچ جدید تقاضیں تے نہ چلنڑ آلیاں قوماں پچھوں رہ ویندن ۔ہائر ایجوکیشن کمیشن تعلیم دے ودھارے سانگے جدید طریقے نال کم کریندا پے ۔ سائنس و ٹیکنالوجی داترقی اچ کلیدی کردار اے کیوں جو تکنیکی تے سائنسی انقلاب اقتصادی بہتری، صحت دے نظام اچ بہتری، تعلیم تے انفراسٹرکچر اچ اہمیت دے حامل ہن۔ وزیر داخلہ آکھیا میکوں اے ڈیکھ تے خوشی تھی اے جو این پی سی فزکس دے شعبہ میں عبدالسلام انٹرنیشنل سینٹر فار تھیوریٹیکل فزکس (اے ایس ۔ آئی سی ٹی پی)، اٹلی ولوں ابھردے ہوئے اصولاں متعلق سینٹر آف ایکسیلنس بنڑنڑ سانگے تیار اے ۔ انہاں آکھیا ایندے اچ کوئی شک کائنی نیشنل سینٹر فار فزکس عالمی معیارات دے نال خطے دا ہک ابھردا ہویا سائنسی تے تحقیقی ادارہ اے۔
