اسلام آباد ۔ 3 اپریل (اے پی پی)احتساب عدالت سابق وزیر اعظم محمد نواز شریف ، مریم نواز اتے کیپٹن (ر)محمد صفدر دے خلاف دائر ایون فیلڈ ریفرنس اچ موسم دی خرابی پاروں اسلام آباد نہ پجنڑ تے نواز شریف اتے مریم نواز دی حاضری توں استثنیی دی درخواست من گھدی جڈاں جو کیپٹن ریٹائرڈ صفدر عدالت پیش تھین۔ عدالت سماعت اج (بدھ)تئیں ملتوی کرڈتی ۔سماعت اچ جرح دے دوران واجد ضیاءڈسایا جو گلف اسٹیل بارے واضح ثبوت یا دستاویزکائنی جیندے نال ثابت تھیوے جو شیئرز 1978 توں 1986تئیں ویچے گن،ہر گواہ 25 فیصد شیئرز دی 1980 اچ فروخت دی گالھ کیتی اے،نوازشیف دے وکیل خواجہ حارث پچھیا بغیر ثبوت تساں کیویں منیے جو شیئرز 1978 تا 1986 تئیں ویچے گن؟ ایندے تے واجد ضیا آکھیے جو 1986 اچ طارق شفیع بی سی سی آئی بنک اچ نواں اکاو ¿نٹ کھلوائے، اے اوں ویلھے ہی تھی سگدے جڈاں قرض دی پچھلی رقم ادا کرڈتی گئی ہووے، جے آئی ٹی بینک ریکارڈنئیں گھدا جیندے اچ ثابت تھیوے جو طارق شفیع بقایاجات اداکیتن۔واجد ضیا آکھیے جو میکوں پتے کہ عدالت اچ سماعت وکیلاں کوں جے آئی ٹی رپورٹ دا والیم 10 ڈکھایا گئے جڈاں جو سپریم کورٹ جے آئی ٹی دی درخواست تے والیم ٹین کوں سربمہر کیتا ہا۔
