نیو یارک ۔ 20 اپریل (اے پی پی)اقوام متحدہ ا چ پاکستان دی مستقل مندوب ملیحہ لودھی دا نیویارک اچ پائیدار توانائی بارے اجلاس نال خطاب اچ اقوا م متحدہ دے توانائی ہر کہیں کیتے ہدف سانگے کوششاں تیز کرنڑ تے زور ڈتے۔ انہاں دا آکھنڑ ہا جو توانائی مو سمیاتی تبدیلیاں بارے پیرس معاہدہ ترقیاتی ایجنڈا تے عمل درآمدکیتے مرکزی حیثیت رکھدے،توانائی دے اہداف تے جامع اتے موثر عمل درآمد فوری اتے اہم اے۔اے اجلاس پاکستان ، ڈنمارک اتے ناروے اقوام متحدہ دے محکمہ برائے سماجی واقتصادی اموردے گانڈھے نال کیتے جیندے اچ گھٹ ترقی یافتہ ملکاں دے اعلیٰ نمائندیاں شرکت کیتی۔ پاکستا ن دی سفیر ملیحہ لودھی اقتصادی ترقی کیتے توانائی دے کر داردی اہمیت تے زور ڈتے تاں جو غربت مکاونڑ، موسمیاتی تبدیلیاں روکنڑ، تعلیم ، خوراک اتے پانی دی تھوڑ تے قابو پاونڑ کیتے توانائی دے اہداف حاصل کیتے ونج سگن۔
