اسلام آباد ۔22 اپریل(اے پی پی)پاکستان ریلوے انسداد تجاوزات دیاں جاری کارروائیاں دے دوران 1694 توں ودھ مقدمے درج کیتے اتے 1830 افراد کوں رنگے ہتھوں پکڑا گیا۔ پاکستان ریلوے حکام اتوار کوں ”اے پی پی“ کوں ڈسایا جو تجاوزات دی روک تھام کیتے ہر ممکن وسائل کوں استعمال اچ گھن آیا ویندا پئے اتے تقریباً 1179 مقدمیاں اچ تجاوزات مافیا کو ںسزاواں ڈتیاں گئن ، جڈانجو 35 ملزمان بری تھئے ہن ، اتے 61 مقدمے زیر تفتیش ہن ۔ حکام ڈسایا جو تجاوزات مافیا دے خلاف رپورٹ درج کیتی ویندی ہے اتے مقدمے ریلوے جوڈیشل مجسٹریٹس کو ںبھجوائے ویندے ہن ۔ ہک سوال اُتے ریلوے حکام دا آکھنڑ ہئی جو پاکستان ریلوے 6500 ایکڑ ریلوے اراضی سارے ملک اچ کرائے اُتے ڈتی ہوئی ہے جیندے نال محکمے کوں اضافی محصولات ملدے ہن ۔
