بیجنگ ۔ 24 اپریل (اے پی پی) وزیر دفاع انجینئر خرم دستیگر آکھے جو شنگھائی تعاون تنظیم دے رکن ملکاں وچال ڈوطرفہ تنازعات کوں اجتماعی کم اچ رکاوٹ کائناں بنڑنڑ ڈتا ویسی ۔ وزیردفاع انجینئر خرم دستگیر منگل کوں شنگھائی تعاون تنظیم دے دفاع دے وزراءدے 15 ویں اجلاس اچ شرکت کیتی۔ اجلاس دی صدارت چین دے سٹیٹ کونسل اتے قومی دفاع دے وزیر وائی فنگ ہی کیتی۔ اجلاس اچ شنگھائی تعاون تنظیم دے رکن ملکاں چین، قزاخستان ، کرغزستان، روس، تاجکستان، ازبکستان دے وزراءاتے بھارت دے سفیر شرکت کیتی۔ بیلا روس دے وزیر دفاع اجلاس اچ خصوصی مہمان دے طور تے شرکت کیتی ۔ وزیر دفاع انجینئر خرم دستگیر آپنڑیں ہم منصباں اُتے زور ڈتا جو اجتماعی چیلنجز دا سامنڑاں جرا ¿ت، ہم آہنگی اتے تعاون نال کیتا ونجے ۔ پاکستان گزریل سال جون اچ باقاعدہ طور تے شنگھائی تعاون تنظیم اچ شمولیت اختیار کیتی ہئی اتے اوں ویلھے توں ہنڑ تئیں او ایں تنظیم دا فعال رکن ہے۔ وزیر دفاع شنگھائی تعاون تنظیم دے رکن دے طور تے پہلے سرکاری اجلاس اچ شرکاءدے نال اعلامیے اُتے دستخط کیتے۔
