اسلام آباد۔ 11اپریل(اے پی پی) وزیر خارجہ خواجہ محمد آصف آکھیے جو مقبوضہ کشمیر دی صورتحال بالخصوص بھارتی فوج ولوں بے گناہ کشمیریاں تے ظلم دے حوالے نال پاکستان عالمی سطح تے اقوام متحدہ‘ انسانی حقوق کمیشن اتے او آئی سی دے نال مسلسل رابطے اچ ہوں ،ایں معاملے تے کہیں قسم دی وسلائی دا مظاہر ہ کائنی کیتا ویندا پیا ۔ بدھ کوں قومی اسمبلی اچ پروین مسعود بھٹی دے دنیا اچ پاکستانی سفارتخانے دے حوالے نال سوال دے جواب اچ وزارت خارجہ ولوں ڈسایا گیا جوساری دنیا دے 88 ہائی کمیشن کم کریندے پن ۔ہک ضمی سوال دے جواب اچ انہاں آکھیا جو کشمیر دے مسئلے تے نہ صرف ڈو پاسے بلکہ عالمی سطح تے اقوام متحدہ دے انسانی حقوق کمیشن تے او آئی سی دے نال ایں مسئلے کوں بھر پور انداز اچ چاتا گے ۔انہاں آکھیا گزریل ڈینھ وزیراعظم شاہد خاقان عباسی چین اچ اقوام متحدہ دے سیکرٹری جنرل دے نال ملاقات کیتی جیں اچ ایں مسئلے تے تفصیلی گال بات کیتی گی ۔ایندے علاوہ ساری دنیا اچ موجودپاکستانی سفارتی مشن وی ایں مسئلے تے کم کریندے پن تے ایں حوالے نال کہیں قسم دی وسلائی دا مظاہر ہ کائنی کیتا ویندا پیا ۔
