کراچی۔ 23 اپریل (اے پی پی) وزیراعظم شاہد خاقان عباسی آکھیا جو کراچی اچ گزیل کئی ہفتیاں توں بجلی دی بندش دے جاری مسئلے دے خاتمے سانگے سوئی سدرن گیس پائپ لائنز لمیٹڈ اتے کراچی الیکٹرک (کے الیکٹرک )وچال تنازعہ حل تھی گئے ۔امید اے جو بجلی دے بحران پاروں پانڑی دی گھٹکی دا مسئلہ وی حل تھی ویسی جینویں جو سوئی سدرن کے الیکٹرک دی لوڑھ پوری کرنڑ دا یقین ڈوائے۔انہاں اے گالھ سنوار کوں اتھاں گورنر ہاﺅس اچ توانائی بارے کابینہ کمیٹی دے اجلاس دی صدارت دے بعد میڈیا نال گالھ مہاڑ کریندیں ہوئیں آکھی۔ وزیراعظم آکھیا جو مشیر خزانہ مفتاح اسماعیل دی سربراہی اچ ہک کمیٹی بنڑا ڈتی اے جیڑھی جو ایس ایس جی پی ایل اتے کے الیکٹرک اچ بقایے دے مسئلے دے جلدی حل کرنڑ دے معاملے دا جائزہ گھنسی۔کے الیکٹرک دی اجارہ داری بارے ہک سوال دے جواب اچ انہاں آکھیا جو حکومت کمپنی کوں تحویل اچ گھنڑ یا کراچی اچ بجلی دی پیداوار اتے ونڈ سانگے ایجھے کہیں ڈوجھے ادارہ بنڑاونڑ دا ارادہ کائنی رکھیندی۔
