لندن ۔ 20 اپریل (اے پی پی) وزیراعظم شاہد خاقان عباسی خمیس کوں ملکہ برطانیہ ایلزبتھ دوئم ولوں دولت مشترکہ دے اجلاس اچ شریک رکن ملکاں دے سربراہیں دے اعزاز اچ بکنگھم پیلس اچ ڈتے گے عشائیہ اچ شرکت کیتی۔ ملکہ برطانیہ دولت مشترکہ اچ شریک سربراہان مملکت دا استقبال کیتا۔ ایں موقع تے وزیراعظم شاہد خاقان عباسی دولت مشترکہ اچ شریک ملکاں دے رہنماواں نال ملاقاتاں کیتیاں ۔ ایندے توں پہلے وزیراعظم بکنگھم پیلس اچ منعقد تھیونڑ آلی 25 ویں ”کامن ویلتھ ہیڈز آف گورنمنٹ میٹنگ 2018ء(سی ایچ او جی ایم)“ دی افتتاحی تقریب اچ شرکت کیتی ۔
