اسلام آباد ۔ 30 اپریل (اے پی پی)پاکستان کابل اچ دو خود کش حملیاں دی بہوں سخت مذمت کیتی اے جیندے اچ بے گناہ اتے معصوم لوک موئن۔دفتر خارجہ دے ترجمان آکھیے جو پاکستان قیمتی جاناں دے ضیاع تے ڈکھی اے اتے اساں سوگوار خانداناں نال ہمدردی کریندے ہیں جیندے عزیز رشتے دار ایں حملے اچ موئن۔انہاں حکومت اتے عوام ولوں افغان عوام اتے حکومت نال اظہار یکجہتی اتے ہمدردی ڈکھائی اے۔انہاں آکھیے جو اینجھے حملیاں نال دہشتگردی کوں ہراونڑ کیتے بہادر افغان عوام دے عزم کوں ڈھلا نئیں کیتا ونج سگدا۔
