اسلام آباد ۔ 20 اپریل (اے پی پی) قومی ریسلر محمد انعام بٹ آکھیے جو او کامن ویلتھ گیمز توں بعد ہنڑ اولمپکس گیمز اچ پاکستان کیتے طلائی تمغہ جیتنڑ دی پوری کوشش کریسن۔انہاں گولڈ کوسٹ، آسٹریلیا اچ تھیونڑ آلیاں کامن ویلتھ گیمز ریسلنگ ایونٹ اچ فری سٹائل 86کلوگرام کیٹگری دے مقابلے اچ ملک کیتے پہلا طلائی تمغہ جیتئے۔ہک انٹرویو اچ انہاں آکھیے جو جیہڑے ایتھلیٹس صلاحیت رکھدن اتے اولمپکس گیمز اچ ملک دی نمائندگی کرنڑ چاہندن ، حکومت کوں چاہیدے جو انہاں دی حوصلہ افزائی اتے مالی معاونت کرے تاں جو چنگے نتائج گھدے ونج سگن۔انہاں آکھیے جو کامن ویلتھ گیمز اچ ملک کیتے طلائی تمغہ میڈے جیونڑ دا نہ بھلنڑ آلا ، یادگار اتے فخر آلا ویلھا اے جیندے نال میڈا حوصلہ اتے اعتماد بیا ودھیے، آونڑ آلے ویلھے اچ وی میں عالمی سطح تے ملک اتے قوم دا ناں اچا کرنڑ دی کوشش جاری رکھیساں اتے پوری کوشش نال اولمپکس گیمز کھیڈساں۔انہاں آکھیے جو میڈے بھارتی حریف کون فیورٹ آکھیا ویندا پیا ہا بھل میں حوصلے، دماغ اتے جارحانہ تکنیک نال اوکوں ہرا ئے۔
