اسلام آباد ۔ 18 مئی (اے پی پی) قائمقام سیکرٹری خارجہ بھارتی ہائی کمشنر کوں دفتر خارجہ سڈ تے بھارتی فورسزولوں لائن آف کنٹرول اتے سیالکوٹ اچ ورکنگ باﺅنڈری تے بلااشتعال فائرنگ دے واقعہ تے احتجاج ریکارڈکرائے اتے بھارتی اشتعال انگیزی دی مذمت کیتی اے۔ترجمان دفتر خارجہ موجب 18 مئی کو ں ایل او سی اتے ورکنگ باﺅنڈری تے پکھلیاں، چپرار، ہرپال، چرواہ اتے شکر گڑھ سیکٹرز اچ بھارتی قابض فوج بلااشتعال فائرنگ کیتی جیندے نال خانور گاﺅںدے ہکے خاندان دے چار بندے شہید تھین اتے ڈاہ بئے زخمی تھی گین۔شہدا اچ کلثوم زوجہ نور حسین، مہوش دختر نور حسین، صفیہ ولد نور حسین اتے حمزہ ولد نور حسین شامل ہین۔احتجاجی مراسلے اچ آکھیا گئے جو جانڑ بجھ تے شہری آبادی کوں نشانہ بنڑاونڑقابل مذمت، انتہائی گھناﺅنا فعل، انسانی وقار اتے بین الاقوانی انسانی حقوق دے خلاف اے،بھارتی سیز فائردیاں خلاف ورزیاں علاقائی امن و سلامتی کیتے خطرہ ہین ، بھارت ساڈے صبر دا امتحان نہ گھنے۔دفتر خارجہ موجب بھارت ایں سال پہلے ڈو مہینے اچ ہنڑ تئیں کنٹرول لائن اتے ورکنگ باﺅنڈری تے جنگ بندی دیاں ہک ہزات توں ودھ واری خلاف ورزیاں کیتن جیندے اچ 28 بےگناہ شہید اتے 117 زخمی تھین۔
