اسلام آباد ۔ 25 مئی (اے پی پی) الیکشن کمیشن آف پاکستان عام انتخابات 2018ءکیتے ضابطہ اخلاق کوں حتمی شکل ڈیونڑ کیتے پارلیمانی جماعتاں دے سربراہواں دا مشاورتی اجلاس 31 مئی کوں سڈ گھدے۔الیکشن کمیشن آف پاکستان ولوں آکھیا گئے جو الیکشن کمیشن اچ انہاں ساریاں سیاسی جماعتاںجنہاں دی نمائندگی موجود اے ، دا مشاورتی اجلاس 31 مئی کوں ڈینہہ 11 وجے سڈیے جیندے اچ انتخابات ایکٹ 2017ءدی دفعہ 233 دی ذیلی دفعہ 1 دے تحت مشاورت نال سیاسی جماعتاں اتے الیکشن لڑنڑ آلے امیدواراں، الیکشن ایجنٹس اتے پولنگ ایجنٹس کیتے ضابطہ اخلاق کوں حتمی شکل ڈتی ویسی۔ایں سانگے ساریاں پارلیمانی جماعتاں دے سربراہواں کوں دعوتی خط بھیج ڈتے گین۔ خطاں دے نال انتخابی ضابطہ اخلاق دے مسودہ دی کاپی وی بھیجی گئی اے تاں جو ساریاں جماعتاں اتے امیدوار ایندی تیاری کر سگن۔
