اسلام آباد۔ 3 مئی (اے پی پی)وفاقی وزیر تعلیم تے پیشہ ورانہ تربیت انجینئر محمد بلیغ الرحمن آکھیا جو تعلیم بارے وفاقی آپنڑی ذمہ واریاں پوری کریندا رہسی،ملک اچ ریکارڈ تعداد اچ بالاں دا سکولاں اچ داخلہ ہک وڈی کامیابی اے،والدین دا آپنڑے بالاں کوں سرکاری سکولاں اچ داخل کراونڑ اعتماد دی بحالی علامت اے،پاکستان دے نینگراں اچ بہترتبدیلی آئی اے اتے او سدھے پاسے ویندے پئن ۔خمیس کوں اے گالھیں انہاں قومی کمیشن برائے پیشہ ورانہ تے تکنیکی تربیت (نیوٹیک) پاروں بین الاقوامی ٹیوٹ کانفرنس 2018ءنال خطاب کریندیں ہوئیں آکھی۔ایں موقع تے انہاں آکھیا جو اے کانفرنس نینگراں کوں ہنر مند اتے مختلف فنون توں آراستہ کرنڑ دی پالیسی کوں اخیری شکل ڈیونڑ اچ مدد ڈیسی۔
