اسلام آباد ۔ 19 مئی (اے پی پی) وفاقی وزیر امور کشمیر و گلگت بلتستان چوہدری محمد برجیس طاہر مقبوضہ کشمیر اچ جاری بھارتی ریاستی دہشت گردی دی شدید الفاظ اچ مذمت کریندے ہوئیں آکھے جو ہک پاسے مقبوضہ کشمیر اچ ہتھوں خالی کشمیریاں اُتے بھارتی فوجیاں ظلم کریندیاں پن اتے ڈوجھے پاسوں بھارتی وزیر اعظم نرندر مودی مقبوضہ کشمیر دا دورہ کر تے دنیا دیاں نظراں اچ مٹی پاونڑ دی کوشش کریندے پن ۔ انہاں آکھیاجو نرندر مودی دے ہتھ ہتھوں خالی کشمیر یاں اتے گجرات دے مسلماناں دی رت نال رنگے ہوئے ہن اتے اے وجہ ہے جو مقبوضہ کشمیر اتے ساری دنیا اچ راہونڑآلے کشمیری ایں موقعے تے سراپا احتجاج ہن اتے مقبوضہ کشمیر اچ ایں موقعے اُتے بھر پور احتجاج اتے ہڑتال کیتی ویندی پئی ہے ۔ وفاقی وزیر آکھیا جو اصل اچ بھارت ہک منظم منصوبہ بندی دے تحت کشمیریاں دی نسل کشی کریندا پئے تانجو کشمیر دی ڈیموگرافی تبدیل کیتی ونج سگے ۔
