اسلام آباد ۔ 18 مئی (اے پی پی) وزیراعظم شاہد خاقان عباسی اسلامی تعاون تنظیم (او آئی سی) دے ستویں غیر معمولی سربراہ اجلاس اچ پاکستان دے وفددی اگوانڑی کریسن جیہڑا 18 مئی توں ترکی دے شہر استنبول اچ تھیسی۔ اجلاس اچ فلسطینی ریاست اچ قابض افواج ولوں انسانی حقوق دیاں خلاف ورزیاں دی صورتحال تے غور کیتا ویسی۔اے اجلاس ترکی دے صدر او آئی سی سمٹ دے صدر نشین دے طور تے سڈیے تاں جو غزہ دی پٹی اچ تشدد دے تازہ واقعات تے توجہ ڈتی ونجے جتھاں قابض اسرائیلی افواج 60 توں ودھ شہریاں کوں شہید کتیے اتے درجناں بال، تریمیتن اتے بزرگ شہری زخمی تھین۔ وزیراعظم شاہد خاقان عباسی کانفرنس اچ فلسطین دی صورتحال تے مذمت کریسن اتے او آزاد و خود مختار فلسطینی ریاست سانگے پاکستان دے عوام اتے حکومت دی حمایت دا عزم کریسن۔
