وزیراعظم شاہد خاقان عباسی دی صدارت اچ آزاد جموں تے کشمیر کونسل دا اجلاس
حق خودارادیت سانگے جدوجہد کرنڑ آلے آپنڑے کشمیر ی بھینڑ بھراواں نال یکجہتی دا اظہار،کشمیر دا تنازعہ اقوام متحدہ دی سلامتی کونسل دی قرارداداں اتے کشمیری عوام دی امنگاں دے مطابق حل کرنڑ سانگے اخلاقی،سیاسی اتے سفارتی حمایت دا اعادہ
اسلام آباد ۔ 22 مئی (اے پی پی) آزاد جموں تے کشمیر کونسل دا 55واںاجلاس منگل کوں وزیراعظم شاہد خاقان عباسی دی صدارت اچ تھیا۔اجلاس اچ ایل او سی تے بھارتی فورسز ولوں بلاشتعال فائرنگ دے نتیجے اچ شہیداں اتے مقبوضہ کشمیر اچ بھارتی مظالم دا نشانہ بنڑنڑ آلے کشمیریاں سانگے فاتحہ خوانی کیتی گئی۔وزیراعظم ایں موقع تے آکھیا جو مقبوضہ کشمیر اچ بھارتی سکیورٹی فورسز بلا تفریق بے گناہ اتے غیر مسلح شہریاں دا قتل عام کریندی پئی اے۔وزیراعظم حق خودارادیت سانگے جدوجہد کرنڑ آلے آپنڑے کشمیر ی بھینڑ بھراواں نال یکجہتی دا اظہار کیتا اتے کشمیر دا تنازعہ اقوام متحدہ دی سلامتی کونسل دی قرارداداں اتے کشمیری عوام دی امنگاں دے مطابق حل کرنڑ سانگے اخلاقی،سیاسی اتے سفارتی حمایت دا اعادہ کیتا۔
