اسلام آباد ۔ 8 مئی (اے پی پی) ڈپٹی چیئرمین پلاننگ کمیشن سرتاج عزیز آکھیے جو حکومت پہلی قومی واٹر پالیسی بنڑا ڈتی اے جیندے اچ پانڑی دی بچت اتے پانڑی دے ذخائر بنڑاونڑکوں ترجیح ڈتی گئی اے۔ اے گالھ انہاں ماحولیاتی استحکام سانگے مشاورتی ورکشاپ نال خطاب اچ آکھی۔سرتاج عزیزآکھیے جو ملک اچ پانڑی دی قلت تھیندی ویندی اے، ایں ویلھے پاکستان اچ فی کس پانڑی دی دستیابی ہک ہزار کیوبک میٹر توں وی گھٹ چکی اے اتے ڈیماں اچ سلٹنگ پاروں پانڑی ذخیرہ کرنڑ دی صلاحیت گھٹ گئی اے،پانڑی دے وسائل کیتے ودھ مالی وسائل دی لوڑھ ہوسی۔ انہاں آکھیے جو آندے سال پانڑی دے منصوبیاں کیتے پی ایس ڈی پی دا 10 فیصد مختص کیتا گئے اتے واٹر پالیسی اچ بھاشا ڈیم سودھے پانڑی دے ڈاہ ملین ایکڑ فٹ دے ذخائر ی سفارش کیتی گئی اے۔
