اسلام آباد ۔ 21 جون (اے پی پی) ترکمانستان دے سفیرعطاءجان معلموف ایسوسی ایٹڈ پریس آف پاکستان اسلام آباد ہیڈ آفس دا دورہ کیتے اتے منیجنگ ڈائریکٹر مسعود ملک نال ملاقاتکیتی اے۔ترکمانستان دے سفیر اپنڑے صارفین اتے بئے ذرائع کوں معتبر خبراں دی ترسیل کیتے اے پی پی دی خدمات کوں سراہا۔ انہاںایم ڈی مسعود ملک کوں ترکمانستان دے قومی خبر رساں ادارے ترکمن نیوز سروس بارے بریف کیتا۔ ملاقات اچ ڈوہاں خبر رساں اداریاں دے کم دی نوعیت اتے آپریشنز تے گالھ مہار کیتی گئی ۔سفیر خبراں دے مو ¿ثر اتے بامعنی تبادلے سانگے ترکمن نیوز ایجنسی نال ایم او یو تے دستخط کیتے ترکمانستان آونڑ دی دعوت وی ڈتی۔انہاں صحافیاں اتے عملہ دے تربیتی پروگرام اتے باہمی تبادلے کیتے کم کرنڑ تے وی اتفاق کیتا۔ سفیر دا آکھنڑ ہا جو ڈوہاں خبر رساں اداریاں وچال تعاون اتے معلومات دے تبادلے نال ڈوہاں ملکاں دے عوام کوں نیڑے گھن آونڑ اچ مدد ملسی۔ منیجنگ ڈائریکٹر اے پی پی ترکمانستان دے سفیر کوں اے پی پی دی شیلڈ پیش کیتی۔
