اسلام آباد ۔ 21 جون (اے پی پی)نگران وزیراعظم جسٹس (ر) ناصر الملک یقین دہانی کرائی اے جو انتظامیہ غیر جانبدارانہ، شفاف اتے آزادانہ انتخابات کیتے الیکشن کمیشن دا پورا پورا ہتھ ونڈیسی۔ اے گالھ انہاں اسلام آباد اچ چیف الیکشن کمشنر جسٹس (ر) سردار محمد رضا نال الیکشن کمیشن سیکرٹریٹ اچ ملاقات اچ آکھی اے۔ ملاقات اچ آندے عام انتخابات 2018ءکیتے الیکشن کمیشن دیاں تیاریاں تے تفصیلی گالھ مہاڑ کیتی گئی۔چیف الیکشن کمشنر آکھیا جو شفاف اتے پرامن انتخابات کیتے ملکی اداریاں دا کردار بہوں اہم اے،الیکشن کمیشن آئین دی بالا دستی کیتے انتخابات کوں شفاف کرا تے قوم دیاں توقعات پوریاں کریسی۔