اسلام آباد ۔ 16 جون (اے پی پی) ایف آئی اے آندے عام انتخابات اچ حصہ گھنڑ آلے امیدواراں ولوں دوہری شہریت رکھنڑ دا ریکارڈ الیکشن کمیشن کوں پیش کر ڈتے۔ قومی و صوبائی اسمبلی دے 122 امیدواراں کولوں دہری شہریت اے۔ قومی اسمبلی دے 49، پنجاب اسمبلی 53 امیدوار، سندھ اسمبلی دے 11، خیبرپختونخوا دے 8 اتے بلوچستان اسمبلی دا ہک امیدواردوہری شہری رکھیندے۔الیکشن کمیشن دوہری شہریت آلے امیدواراں دی فہرست ریٹرننگ افسران کوں ڈے ڈتی اے۔ ایف آئی اے رپورٹ دے مطابق 60 امیدواراں دی برطانوی، 26 امیدواراں دی امریکی ، 24 امیدوار کینیڈین اتے 3 امیدوار آئر لینڈ جڈاں جو 2 امیدوار بیلجیئم دی شہریت رکھیندن۔ سابق وزیراعلی سندھ مراد علی شاہ اتے احمد یار ہراج کینیڈا، این اے 249 دے امیدوار فیصل واڈا امریکی شہری، این اے 247 توں امیدوار فوزیہ قصوری کینیڈا، این اے 204 توں امیدوار نادر لغاری اتے گلفام سواتی امریکہ جڈاں جو،فرحانہ قمرانگلینڈدی شہریت رکھیندن۔
