اسلام آباد ۔ 5 جون (اے پی پی) بیرسٹر سید علی ظفر نگران وزیر اطلاعات و نشریات دیاں ذمہ داریاں سنبھال گھدن،سیکرٹری اطلاعا ت و نشریات احمد نواز سکھیراانہاں کوں وزارت دے معاملات تے بریفنگ ڈتی۔نویں نگران کابینہ اچ آونڑ آلے وزیر برائے اطلاعات و نشریات اپنڑی وزارت دا دورہ کیتا جتھاں انہاں کوں سیکرٹری اطلاعات ونشریات سردار احمد نواز سکھیرا، ظہور برلاس ،شفقت جلیل اتے بئے حکام خوش آمدید آکھیا اتے وزارت دے امور بارے ڈسایا۔ بیرسٹر علی ظفر صدر سپریم کورٹ بار ایسوسی ایشن وہ رہین۔او ماہر قانون ایس ایم ظفر دے صاحبزادے ہین۔
