اسلام آباد ۔ 21 جون (اے پی پی)نگران وزیراعظم جسٹس (ر) ناصر الملک پاکستان اتے آذربائیجان وچال اقتصادی تعاون اچ بیا ودھاونڑ، تجارت، سرمایہ کاری، توانائی اتے دفاع دے شعبیاں اچ گانڈھا ودھاونڑ تے زور ڈتے۔ انہاں اے گالھ وزیراعظم ا ٓفس اچ آذربائیجان دے سفیر علی فکرت اولو علیزادہ نال ہک ملاقات اچ آکھی۔ ایں موقع تے وزیراعظم آکھیے جو پاکستان اتے آذربائیجان دے اعتماد ، سنگت اتے افہام و تفہیم دے روایتی تعلقات ہین۔ انہاں جموں و کشمیر دے تنازعہ تے پاکستان دی مسلسل حمایت تے آذربائیجان دے کرداردی تعریف کیتی۔انہاں رضا مندی ظاہر کیتی جو اوترکی، پاکستان اتے آذربائیجان دے ڈوجھے سہ فریقی اجلاس دی میزبانی کیتے تیار ہین۔
