لاہور ۔ 15 جون (اے پی پی)پنجاب دی نگران کابینہ اچ توسیع کر ڈتی گئی اے ،بئے چار نگران وزراءحلف چا گھدے جیندے بعد نگران کابینہ دی تعداد چھی توں ودھ تے ڈاہ تھی گئی اے۔گورنر پنجاب ملک محمد رفیق رجوانہ نویں نگران وزراءتوں حلف گھدے۔نویں وزرااچ نعمان کبیر، چوہدری فیصل مشتاق ،سعید اللہ بابر، سردار تنویرالیاس شامل ہین۔ سعید اللہ کوں ہاوسنگ کوآپریٹو تے ماحولیات، سردار تنویر الیاس کوں خوراک و ذراعت اتے ترقی و منصوبہ بندی، میاں نعمان کبیر کوںلیبر، لوکل گورنمنٹ اتے ٹرانسپورٹ، چوہدری فیصل مشتاق کوں ہائیرایجوکیشن، اسکولز، سپیشل ایجوکیشن اتے لٹریسی دا قلمدان ڈتا گئے۔
