اسلام آباد ۔ 4 جولائی (اے پی پی) محکمہ موسمیات دے مطابق آندے 24گھنٹے اچ اسلام آباد، فیصل آباد، ملتان، ڈیرہ غازی خان، ساہیوال، بہاولپور ڈویژن، مالاکنڈ، ہزارہ، پشاور، مردان، کوہاٹ، فاٹا، سکھر، سبی، نصیرآباد ڈویژن ، کشمیر اتے گلگت بلتستان اچ کہیں کہیںجاہ تے اندھاری تے کھمنڑ نال مینھ وسنڑداامکان اے اتے لاہور، گوجرانوالہ، راولپنڈی، فیصل آباد، سرگودھا، کوہاٹ، ژوب، بنوں، ڈیرہ اسماعیل خان اچ ودھ سارا مینھ پوسی۔ محکمہ موسمیات دی رپورٹ مطابق گزریل 24 گھنٹے دے دوران اسلام آباد ، راولپنڈی، لاہور، گوجرانوالہ ڈویژن، اتے کشمیر اچ جڈانجو مالاکنڈ، ہزارہ ڈویژن اچ ھمنڑ دے نال مینھ وسیا جڈانجو ملک دے بئے علاقیں اچ موسم گرم اتے رکھا رہیا۔ساریں توں ودھ مینھ لہور اچ 212، قصور 84 ، سرگودھا 53 ، جہلم49، جوہرہ آباد45 ، مالم جبہ41، بالاکوٹ36، کاکول13، کوہاٹ 5 ، مظفرآباد 37 ،گڑھی دوپٹہ26 ، راولاکوٹ17اتے کوٹلی اچ 06 ملی میٹر ریکارڈ کیتا گئے۔
