اسلام آباد ۔ 26جولائی (اے پی پی) الیکشن کمیشن آف پاکستان قومی اتے صوبائی اسمبلیاں دے 338 حلقیں دے غیرسرکاری نتیجے دا اعلان کر ڈتا ۔الیکشن کمیشن کوں ہنڑ تئیں قومی اسمبلی دیاں 73جڈاں جو چارے صوبائی اسمبلیاں دے 265حلقے دے پوری غیر سرکاری نتیجے مل گن ۔الیکشن کمیشن کوں پنجاب اسمبلی دے 157، خیبرپختونخوا اسمبلی دے 57، بلوچستان اسمبلی دے 15اتے سندھ اسمبلی دے 36حلقیں دے نتیجے مل گن ۔ قومی اسمبلی دیاں نشستاں تے پاکستان تحریک انصاف کوں ہنڑ تئیں 22، مسلم لیگ (ن) کوں 9، پی پی پی پی کوں4اتے متحدہ مجلس عمل کوں ہک سیٹ ملی اے۔
