لاہور۔24جولائی(اے پی پی ) نگران وزیراعلیٰ پنجاب ڈاکٹر حسن عسکری آکھے جو انتخابات دے منصفانہ اتے پرامن انعقاد کوں یقینی بنڑاونڑ سانگے مربوط پلان مرتب کیتا گئے اتے پولنگ سٹیشنز اُتے ووٹراں اتے عملے دی حفاظت کیتے موثر انتظامات کیتے گئے ہن ۔ پولنگ سٹیشنز اچ موبائل فون گھن ونجنڑ دی پابندی کوں یقینی بنڑایا ویسی ، اتے ایں بارے متعلقہ حکام اتے اداریاں کوں ہداےات جاری کیتی گئی ہے ۔ انہاں آکھیا جو حساس پولنگ سٹیشنز اُتے سکیورٹی دے خصوصی انتظامات کیتے گئے ہن جڈانجو بیلٹ باکس کو ںپولنگ سٹیشنز توں ولا ڈسٹرکٹ ریٹرننگ آفیسر تئیں گھن آونڑ دے سارے ضروری انتظامات کیتے گئے ہن ، نگران وزےراعلیٰ آکھیا جو پنجاب اچ 141 قومی اتے 297 صوبائی نشستاں اُتے انتخابات کیتے کل 47473 پولنگ سٹیشنز بنڑائے گئے ہن اتے پولنگ سٹیشنز اُتے ضروری سہولتاں ڈتیاں گیاں ہن ۔ انہاں آکھیا جو غیرجانبدار اتے شفاف الیکشن دی قومی ذمہ داری بطریق احسن ادا کریسوں۔ سی سی ٹی وی کےمریاں دے ذرےعے پولنگ سٹےشنزدی نگرانی تھیسی ، اتے کہیں کوں وی قنون ہتھ اچ گھننڑ دی اجازت کائناں ڈتی ویسی ۔
