لاہور۔24جولائی(اے پی پی )انتخابات 2018،پورے ملک اچ 10 کروڑ 59 لکھ 55 ہزار 409 لوک اج اپنڑاں ووٹ دا حق استعمال کریسن ،جیں اچ مرد ووٹراں دی تعداد 5کروڑ 92لکھ 24ہزار 263تے تریمت ووٹراں دی تعداد 4 کروڑ 67 لکھ 31 ہزار 146ہے، عام انتخابات سانگے پنجاب دیاں 141، سندھ دیاں 61، خیبرپختونخواہ دیاں 39، بلوچستان دیاں 16، فاٹا دیاں 11 اتے اسلام آباد دیاں ترائے سیٹاں تے مقابلہ تھیسی ،انتخابات اچ تحریک انصاف، مسلم لیگ ن اتے پیپلزپارٹی سمیت کل 122 سیاسی تے مذہبی جماعتاں حصہ گھندیاں پن ،قومی تے چارے صوبائی اسمبلیاں سانگے 3675 امیدوار میدان اچ ہن، ایں سلسلے اچ پورے ملک اچ افواج پاکستان ، رینجرزاتے پولیس سمیت 8 لکھ سکیورٹی اہلکا روی فرائض سرانجام ڈیسن ،الیکشن کمیشن عام انتخابات سانگے پولنگ سٹاف کوں ضروری ہدایات جاری کرڈتن جیں اچ آکھیا گے جو سینئر پریزائیڈنگ افیسر دی اوہا ڈیوٹی ہے جیرھی جو اے پی او (اسسٹنٹ پریزائیڈنگ آفیسر ) دی اے لیکن ایندی ودھیک ذمے واری اے ہے جو او پریزائیڈنگ افیسر دا قائم مقام وی ہے تے فارم 45 اتے 46 تے ایندے سائن وی ہوسن ،الیکشن کمیشن ولوں اسسٹنٹ پریزائیڈنگ افیسر کوں تفویض کیتیاں گیاں ذمے واریاں اچ کاﺅنٹر فائل اچ شناختی کارڈ نمبر درج کرنڑ، ووٹ نمبر دا اندارج، مرد یا عورت لکھنڑ، نام الیکٹورل ایریا (وستی دا ناں )، ووٹر دا نشان انگوٹھا لواونڑ، کاﺅنٹر فائل دے سامنڑے دے پاسے مہر لاونڑ تے دستخط کرنڑ شامل ہن،ایندے علاوہ صوبائی دارلحکومت لاہور اچ قومی اسمبلی دے 14 حلقیں اتے صوبائی اسمبلی دے 30 حلقیں اچ عام انتخابات اج25 جولائی بدھ کوں تھیسن ،لاہور دے 3787پولنگ اسٹیشن اچ53لکھ 98 ہزار 6سو 22 ووٹرز اپنڑاں ووٹ دا حق استعمال کریسن،امن و امان برقرار رکھنڑ سانگے سیکورٹی اداریں دے علاوہ پولیس افسراں تے افواج پاکستان پولنگ اسٹیشن دے اندر تے باہر تعینات ہوسن ۔
