راولپنڈی ۔ 16 جولائی (اے پی پی)ایرانی فوج دے چیف آف سٹاف میجر جنرل ڈاکٹر محمد باقری دی قیادت اچ اعلی سطح دے وفد جی ایچ کیو راولپنڈی دادورہ کیتا۔ایرانی وفد پاک فوج دے سربراہ جنرل قمر جاوید باجوہ نال ملاقات کیتی۔ملاقات اچ سانجھے دلچسپی دے امور ،علاقائی سلامتی ،دفاعی تعاون اتے پاک افغان سرحدی انتظام توںمتعلق امورتے غورتھیا ۔پاک فوج دے شبہ تعلقات عامہ(آئی ایس پی آر) مطابق ملاقات دوران پاک فوج دے سربراہ جنرل قمر جاوید باجوہ ڈوہیں ملکاں دی مسلح فوج وچال تعلقات کوں بیا پکا کرنڑ اتے ودھاونڑ ضرور ڈتا ۔ جنرل قمر جاوید باجوہ آکھیے جو پاکستان اتے ایرانی فوج وچال ودھدے ہوئے تعاون نال خطے دے امن و استحکام تے چنگاں اثرپوسے ۔ایرانی مسلح فوج دے چیف آف جنرل سٹاف میجر جنرل ڈاکٹر محمد باقری پاک ایران تعلقات کوں بیا پکا کرنڑ دے عزم دا اظہار کیتا اتے پاکستان اچ اجوکے دہشت گردی دے واقعات دی مذمت کیتی ۔
