اسلام آباد ۔ 26جولائی (اے پی پی) وفاق اچ حکومت بنڑاونڑ سانگے قومی اسمبلی اچ 172، پنجاب اسمبلی اچ 186 رکناں دی حمایت لازمی ہے ۔ اے پی پی دے مطابق قومی اسمبلی دیاں کل نشستاں دی تعداد 342 ہے جنہاں اچوں 272 جنرل نشستاں ہن اتے بچدیاں مخصوص نشستاں شامل ہن ۔ اتھاں توں سادہ اکثریت کیتے 186 ارکان دی حمایت دی لوڑ ہوسی ۔ پنجاب اسمبلی اچ اراکین دی کل تعداد 371 جنہاں اچوں 297 جنرل، 66 تریمتیں ، 8 غیر مسلم دیاں مخصوص نشستاں ہن ۔ اتھاں سادی اکثریت سانگے 186 نشستاں دی لوڑ ہے ۔ سندھ اسمبلی اچب کل نشستاں دی تعداد 168 ہے جنہاں اچوں 130 جنرل، 29 تریمتیں اتے غیرمسلماں دیاں 9 نشستیں ہن ۔ اتھاں حکومت بنڑاونڑ سانگے 85ارکان دی حمایت دی لوڑ ہے ۔ خیبر پختونخوا اسمبلی اچ کل نشستاں 124 ہن جنہاں اچوں جنرل نشستاں 99، تریمتیں دیاں 22 اتے غیر مسلماں دیاں 3نشستاں ہن ۔ اتھاں سادی اکثریت کیتے 63 امیدواراں دی حمایت دی لوڑ ہوسی ۔ بلوچستان اسمبلی اچ کل نشستاں دی تعداد 65 ہے جڈانجو اتھاں جنرل نشستاں 51 ، تریمتیں دیاں 11 اتے 3 غیر مسلماں دیاں نشستاں ہن ۔ اتھاں سادہ اکثریت کیتے 33 رکناں دی لوڑ ہوسی ۔
