اسلام آباد ۔ 18 جولائی (اے پی پی) نگراں وزیر خارجہ عبداللہ حسین ہارون آکھیے جو ایں ویلھے دہشتگردی ہک بہوں وڈا چیلنج اے جیندے تے قابو پاونڑ کیتے حالی وی اقدامات دی لوڑھ اے،ساکوں چاہیدے جو اسان فوجی الائنس دی بجائے تجارتی اتے معاشی اتحاد کوں اگو تے ودھاو ¿ں۔اے گالھ انہاں اسلام آباد اچ سنٹر فار انٹر نیشنل سٹریٹجک سٹڈیز(سی آئی ایس ایس)ولوں ”پاکستان دی خارجہ پالیسی:چیلنجز اتے مواقع“ بارے سیمینار نال خطاب اچ آکھی۔ انہاں آکھیے جودہشتگرداگیں آلی کار مضبوط نئیں بھل دہشتگردی دے اجوکے واقعے واضح کریندن جو دہشتگردی دے خلاف حالی وی بہوں کجھ کرنڑ دی لوڑھ اے۔خارجہ پالیسی بارے انہاں آکھیا جو اج دنیا فوجی الائنس دے بجائے تجارتی الائنس دو ودھدی پئی اے ساکوں اپنڑیاں پالیسیاں نویں سرو ترتیب ڈیونڑیاں ہوسن،نینگراں تے توجہ ڈے تے انہاں دی تعلیم، مالی ضرورتاں اتے سماجی تحفظ بارے سوچنڑاں ہوسی۔انہاں آکھیے جو سندھ طاس معاہدے دے غیر فعال تھیونڑ توں بعد پاکستان اتے بھارت وچال پانڑی دا جھیڑا مکاونڑدی لوڑھ اے۔
